Лезги спортдин кIиливал пуд чIалалдинди хьана

Категория: На лезгинском » All news » Масабур
admin8-04-2016, 20:376480
Лезги спортдин кIиливал пуд чIалалдинди хьана
Апрел (нава) вацралай гуьгъуьниз Lezgisport.com лезги спортдин кIиливилин (дуствилин) официал сайтди цIийи хабарар пуд чIалал гуз жеда - урусдал, ингилисдални хайи лезгидал.

Ихьтин цIийивал «Лезги лувар» фонддин куьмекдалди кутаз хьана. РикIел хкин хьи, фонддин регьберри шазан ноябр вацраз чи лезги спортдин кIиливал вилик ракъурун патал гъвечIи грант гана. ГецIидин кьадар - 100 агъзур рубл я.

Lezgisport.com тIвар алай проект кьил Микаилрин Рамиля лагьайвал, «Лезги лувар» фонддин куьмекдалди гила чи лезги спортсменрикай ингилис чIалал рахазвай инсанризни чир жеда.

«И чІавалди чи ресурсди анжах урус чІалал кIвалахзавай тир, амма гила чи сайтдал ингилисни хайи лезги чIаларал кхьей цIийи хабарарни акъатда. Им зурба метлеб авай вакъиа я. Вучиз лагьайтIа, и цIийи тежрибадиз чаз чи хайи лезги чIал хуьниз вижевай мумкинвал гузва. Ингилис чIал - ам къецепатан публикадив агакьардай информациядин куьлег язва. Гила чи спортсменрикай, абурун агалкьунрикай вири дуьньядиз чир жеда. Исятда чна чи ресурс цIийи малуматривни материалрив ацIурзава. Сайтдал техникадин кIвалахар тухузава. Гьелбетда, «Лезги лувар» фонддин куьмек авачиз чавай и крар тухуз жедачир», - лагьана сайтдин кьили.

Макъалада кьунвай тIварар ибур я: Микаилрин Рамил






Чан кьил чIугурди, вун регистрация тавуна менфят къачуз гьахьнава.
ТIалабзва, регистраци ая я жуван тIварцIихъай сайтдиз гьахь ая.

Баянар:

Баян гун
Информация
Посетители, находящиеся в группе Гости, не могут оставлять комментарии к данной публикации.